Марихуана яха наркотик цӏагӏа лелаяьр, бехктокхаме озаргва ӏаьдало
13.01.2026 09:14
Ший цӏагӏа 52,25 грамм марихуана яха дохьаж леладаь Наьсарера вахархо ӏаьдала хьалхашка жоп дала оттаргва. Из хоам «Сердалога» бера МВД болхлошкара.
«Наркотик гучайоаккхаш хиннача балха юкъе, дакъа лаьцараш ба Россе ОМВД Наьсарерча полице болхлой, тохкама оагӏон къаьсттача батальона ППС къахьегамхой. Марихуана яха наркотик лелаяьчун духьала РФ УК 1-ча даькъа 228-ча ст. гӏулакх хьадийллад ӏаьдало (бокъо йоацаш наркотически лоархӏаш йола хӏама лелаяр, дӏа-хьа кхахьар). Карарча хана, мехкара аравала йиш йоацаш, бокъо йийхкай зуламхочоа», - йоах тхога бенача хоамо.
