Марихуана лелаяьча вахархочун гӀулакх суде да
08.10.2024 12:25
Марихуана яха дохьаж леладаьча Инаркъерча 65 шерга кхаьчача вахархочун гӀулакх судо тохкаш да. Из хоам тха газетага бир Ӏаьдала болхлоша.
«Ӏаьдала болхлоша белгалдечох, «Мерседес Бенц» яхача ший машина багажника чу 264 грамм совгӀа марихуана яха наркотик лелаяьй цо. Гуйран хьалхарча бетта цун машина чу хьежача МВД болхлошта, гучадаьлар из», - йоах прокуратуре.
МагӀалбикерча шахьара суде тохкаш латт из гӀулакх дӀахо.
