Наркотикашца базар лелаяьча Шолжа-Шахьара вахархочоа суд ергья
Наркотикашца базар лелаяьча Шолжа-Шахьарерча вахархочун духьала гӏулакх хьадийллад Магасерча прокуратуран болхлоша. Из хоам «Сердалога» бир цу моттигера.
«Тохкама болхлоша белгалдечох, 2025-ча шера оагӏой бетта, цхьаькха зуламхочунца, шоаш къоастаяьча моттигага гӏолла республике наркотикаш йоаржае лаьрхӏа базар вӏашагӏъелла хиннай цар»,- белгалдир прокуратуре.
ӏаьдала кара волча зуламхочо шоаш къоастаяьча моттигера хьаийеш, 22 бетта чу дӏа-хьа йийкъар 210 грамм совгӏа йола эфедрон яха наркотик. Нийсса ах дохьаж цу моттиге улладаьд цо, хӏаьта вож ший машина чу леладаьд.
Из базар дӏачакхъяккха, Даьла къахетамца, аьттув баьннабац зуламхочун, ӏаьдала болхлоша дӏалаьцар из ший «дохьаж» тӏехьа. Карарча хана ӏаьдала кара ва из. Цун гӏулакх Магасерча суде къоастадергда.
