Хозача дешашца даькъалабувц мехкара бахархой
30.08.2024 10:08
ХӀара пӀаьраска дийнахьа, хозача дешашца мехкахой даькъалабувцаш хул тайп-тайпарча интернета оагӀонашка. Геттара хьаькъале, хьаэца мегаргдола хӀамаш хул цу юкъе. Из хоам бу «Сердало» газета корреспондента.
«Ламазаца, доладаларца, Ӏилманца, сабарца, беркатеча гӀулакхашца дарба де шоай дегашта. Дезача пӀаьраска денца!» - язду юртбоахама гӀулакхех йолча республикерча Министерствос.
Воча оамалех, Ӏовдалча гӀулакхех лораву саг Даьлах кхераш хиларо, къахьегамо, физически культуро тоаду цун дегӀа хьал, Ӏилма Ӏомадеш хиларо хьаькъал совдоаккх сага, дикача гӀулакхаша дунен саготонах лораву.
