«Цо хьалхадоаккх наха, шийна бакъахьа хетар аьнна саг чувагӀаш йоаца аппараташ дӀахеца йиш ца хилар, из бокъо луц цунна законо. Из бокъо ца ялара бахьан дувзаденна да, россияний вахар а могашал а лораеш хиларца. Нагахьа санна бокъо толхаяь моттиг нийслойя, 50 эзар сом гӀод да физически наха, 500 эзар сомага кхаччалца юридически наха», - аьлар хоамо.

Сигала бокъо йоацаш гӀетташ йола аппараташ хилча, фецарча флота болх толхабу - миха кемаш хьалгӀеттац аэродромера.

Бахархошта хьалхадаьккхар, нагахьа санна гӀетташ йола аппарат шоашта корайича, шоаш цунах лорале. Шоашкара цхьаккха хӀама ма де. МВД, МЧС телефон ца тохаш ма Ӏелаш, бӀаргагуш дола сурт ма дарра дӀадувца. Иштта кхыча нахага а латташ долча хьалах дӀадувца.

Видеоролик тахан чӀоагӀа эшаш а я, юха нах тӀахьехаш а я сакхетам совбоаккхаш уж хилара - из терроризмаца къовсам лоаттабара керттера герз да.