ГӏалгӀайчен бахархошта хьалхадаьккхар, ТКО оператор «ЦӀена дуне» яха ООО хилар
ГӏалгӀайчен Ӏалама Министерствос мехка бахархошта хьалхадоаккх, коммунальни нувхаш дӀаяхьара йола (ТКО) ГӏалгӀайчен даькъ тӀара оператор «ЦӀена дуне» оала ООО хилар, яхаш, дийцар «Сердало» газетага республикан Ӏалам лорадеча боахаме.
«Цу тайпара, къаьстта цу компанена дӀабала беза нувхаш дӀаяхьарах луш бола мах.
Из чӀоагӀдаьд ГӏалгӀай Республикан Ӏалама тароний, экологе Министерствон №171-од йолча амарца. Цунца цхьана белгалдаккха дезаш да, ГӏалгӀай Республикан Арбитражни суде из амар юха даккхара тӀехьа кхайкаралаш ду. Хоам бу, судо лаьрхӀар закона низ болаш дац, из юха чулургда суде», - аьлар ГӏалгӀай Республикан Ӏалама Министерствос.
Ший ханнахьа нувхаш дӀаяхьар, юкъарлонна доазув цӀена леладар моттигера дика хьал вӀашагӀдоллара эшаш дар да.
