Вай мехкахошта дагайохийтар Лаьжгерча кхуркхолга хозал
Лаьжгера кхуркхолг гӀалгӀай лоаме боккхагӀчарех цаӀ ба. Из хьахиннаб, Ӏарамхин аьрда тоатоли Лаьжга хийи вӀашагӀкхетар бахьан долаш, Малчечкорт оалача лоам тӀара ша башаро лоаттаду цунна хий, яхаш, дувц ГӀалгӀай Республикан Ӏалама Министерствон телеграм-канало.
«Кхуркхолга шовдо теркам тӀаоз туристий: дехьара-сехьара вӀашагӀкхеташ доагӀача хи тӀара бӀарг боаккхалуц, селлара из хоза долаш», - йоах республикан Ӏалам лорадераша.
Мехка бахархошта, хьаьшашта хьалхадаьккхар; ГӀалгӀайчен лоамий хозал шера моллагӀча хана го йиш йолаш хилар. Гурахьа, Ӏай, бӀаьсти, аьхки цар шоай хозал хувцац.
Цигарча наькъа такилга тӀагӀолла водаш, Лаьжген доккха доацача тӀаьх воалаш, хӀара сага боккха салоӀам хургба лоам тӀара чудоагӀача хих, цун лакхаленах, цӀенача фех.
