Бахархошка дувц, Ӏокхессача йоагача цӀелеторгах доалача зуламах
Йоагаш йолаш, Ӏокхессача цӀилеторго бӀарчча гектараш дийна гаьнаш йоаелгах, дийцар бахархошка Ӏалама гӀулакхех йолча Министерствон болхлоша. Из хоам «Сердалога» бир цу моттигера.
«90% хьунагӀа ювлача цӀерашта бехкевар саг ва…», - йоах лаьрххӀа кийчъяьча гойтама фильмо.
Бахархошка кхайкарал ду: хьунагӀа гаьнаш, буц йолча моттигашка; йоагаш йола цӀилеторгаш Ӏо ма кхувса, йийза цӀи хий ӀотӀатехе бокъонца дӀа а йоайий мара, дӀа ма аха! Йокъаенна йоархӀаш летаю во оамал йита боккъал!» - йоах хоамо.
Иштта лоархӀаме да, салоӀаш баьгӀача моттигера еррига нувхаш, шушаш, царех йиса Ӏоакъингаш, юхе ца юташ, дӀаяхьар. Ӏоакъингаша малх чӀоагӀа тӀаоз, цунга хьежжа, гонахьара баьцаш лотаялар кхерам ба. Иштта дола хатар эттача, телефон дӀатоха еза номераш я: 8 (8734) 72-11-50, 8 (800) 100- 94-00
