МагӀалбика кхален бахархошта могаду, «Йоккхача сомий беша» къахьега
МагӀалбика кхален бахархой аьттув ба «Йоккха сомий беш» яхача ОАО болх бе, ахча даккха. Шахьаре дӀайихьача кхетаче дийцар цох цу моттигерча къахьегамхоша.
«Таханарча дийнахьа сомаш чуэцаш болх ба беша дӀахьош, ший бохча хьалдиза безам болчун болх бе моттигаш йолаш я. Андминистрацешкара гулбеннача кулгалхошта тӀадиллар; из гӀулакх бахархошка дӀакхайкаде, аьнна.
Белгалде деза, алапи соахка хинначул лакхагӀа долга. Сомий бешарча болхлой мах боацаш мук (обед) де аьттув ба, иштта кхыдола хьалаш лоаттаду къахьега баьхкарашта. Телефон дӀатоха еза номер - 8 (963) 399-97-37», - дийцар «Сердало» газетага кхален администраце.
«Беркате, чаме сомаш, комараш вайна кхееш я «Йоккха сомий беш». 984 гектар дӀалаьца уллача беша хьахул Ӏажаш, кхораш, хьачаш, гӀамгӀаш, шапша, нектарин. Кердадараш юкъекхувлаш, дика, унахцӀена кхача вайна хилийта гӀерташ къахьегаш ба беша кулгалдераш.
