Укх Ӏимецача деношка, гӀо дечар телефонаш дагайохийт бахархошта
Укх дӀайхача деношка хий хьа ца доагӀаш е ток йоацаш нийслу Наьсаре. Шахьара администраце къахьег, ма хулла уж кхоачамбоацараш юстардаха гӀерташ. Из хоам «Сердалога» бир шахьара мэре.
Наьсарерча хьакимаша бахархошта хьалхадоаккх, малагӀча номерах телефон дӀатоха еза. «Шоана аттагӀа хургдолаш, моллагӀа хӀама тахка йиш йола номераш йовзийт администраце:
Тока оагӀон болхлой: 8 8734 77-14-23; хицара кхоачамбоацараш нийсделча: 8 988 120 0807; горгаз: 8 8732 22-70-50; ОМВД Наьсаре: 8 8732 22-42-74», - йоах тхога бенача хоамо.
Хий доацаш бисача бахархоша шоай адрес, телефона номер хьаала деза. Йоккха юкъ ялале, машинаца хий дӀадахьаргда. Иштта администраце массанена хьалхадоаккх, дӀайхача деношка ма хулла дукхагӀа хий мелаш, Ӏийна хила хьажа, яхаш.
