Оалкама бахача наха, кердаяьккха библиотека елар
Шолжа кхален Оалкама бахархошта елар кердаяьккха библиотека. Из вӏашагӏйолла таро хилар «Дезалера мах бараш, культуран дакъа» яха федеральни проект хилар бахьан долаш, яхаш, дийцар «Сердало» газетага Шолжа кхален администраце хоамий отдела кулгалхочо Цӏечой Беслана.
«Модельни оалача библиотеке воагӏача сага дешара дика хьалаш да. Укхаза йоккха дешара зал я, таханарча хьалашка хьежжа чулатташ гӏирс ба, берашта а боккхагӏчарна а лаьрхӏа салаӏара дика моттигаш я. Библиотеке керда компьютераш оттаяьй, нахага электронни библиотекан таронаш дӏакхачийтар духьа», - аьлар хоамо.
Цул совгӏа, укхаза каст-каста дӏахьоргда дешара денош, кхоллама говзанча хьехамаш, книжкай авторашцара кхетаченаш. Цу тайпарча хьалаша таро лургья, мехка культуран ӏадаташ дегӏадоаладе.
