ӏаьдалгара шийна хьадоагӏаш дар меттаоттаде гӏо дир мехкахочунна
Пхьилекъонгий-Юртара вахархо леткъар сага бокъонех волча викалга; ӏаьдалгара шийна хьадоагӏаш дола хӏама хьалуш дац, аьнна.
«18 шу даьнна волча, УПЧ латкъа венача вахархочо белгалдечох, да ца хиларах хьадоагӏаш дола пенси соцадаьд цун. Ше деша вагӏалга белгалдеш дола каьхаташ а гойтар цо, иштта теркалдир, деша вагӏаш хилча, 18 шу даьлча а цунна ӏаьдалгара пенси доагӏилга, да воацаш хиларах. Бакъда массехк бутт ба цун ахча соцадаь латта», - дийцар «Сердалога» мехкарча УПЧ.
Вахара оагӏонцара гӏо лоаттадеча моттига леладер цу сага бокъонаш телхаеш да. Сага бокъонех волча викала Россе Вахара оагӏонцарча ганза болхлошца бувзаме ваьнна, тахкар из гӏулакх. Бокъо йоацаш соцадаь лаьтта ахча юха хьадоладалийтар, иштта хьа ца луш дитар а хьадала оттабир.
