ГӏалгӀайчен вахархочун пенси меттаоттадир
ГӏалгӀайчен сага бокъонех волча викала фусаме лоткъам бера Буро кӏалха вахача сагагара. Цо хоам бора ший вахара бокъонаш телхаярах- карарча шера ардара бетта 8 500 сом кӀезигагӀа пенси хьаденна хилар цунна.
«Из саг пенсе вахав 2006 шера. Пенси хьадолалуш дӏалаьрхӏадар гӀишлошъеча цун хинна алапи. Цо белгалдора, деррига эшаш мел дола каьхаташ ший ханнахьа дӀаденна хилар», - аьлар «Сердало» газетага ГӏалгӀай Республикан УПЧ аналитически даькъ тӀа.
Сага бокъо лораяра волча викала, Россе Вахара ганзе лаьрххӀа дола каьхат дӀадахьийтар. Цул тӀехьагӀа из хьал техкар СФР болхлоша.
Тӏахьожама болх дӀабихьачул тӀехьагӀа, ховш хилар цун пенси кӀезигагӀа деннилга, советски ханашка болх баь дола каьхаташ цунга цахиларах. Эшаш дола каьхаташ цу сага дӏаделча, из хьал сиха меттадера. Пенси ше хьалхагӀа хиннача бораме хьадала доладир - 21 398 сом; цул совгӀа хьа ца луш лаьттар а хьаделар, карарча шера ардареи лайчиллани бетташка соцадаь лаьтта.
