ГӏалгӀайчен вахархочун заӀапхо хилара бокъо меттаоттаяьй
ГӏалгӀайчен сага бокъонех волча викала фусаме леткъачул тӀехьагӀа, Наьсарен вахархочун, из заӀапхо хиларах луш дола пенси хьаийдара йола бокъо меттаоттаяьй, яхаш, дийцар ГӏалгӀай Республике гӀолла волча сага бокъоний викала фусаме.
Сага бокъонех волча викала балха моттиге цу гӀулакхага хьежачул тӀехьагӀа, 3-ча группа заӀапхочо ше хьалха хьаийдеш хинна 7 эзар 500 сом ахча хьаийду.
«Цул совгӀа, цун хӀара бетта «3-ча группа заӀапхо» хиларах тӀехьара тӀа 3 эзар 333 сом а доагӀа.
Тахан республике гӀолла, 2025 шера чӀоагӀбаь латташ бола сага вахара Ӏалашон боарам цун лохагӀа хиларах, кхы тӀа федеральни вахар хьаллоаца ахча а доагӀа цу пенсионера.
Наджгоанцхой бетта 1-ча денгара маьтсела бетта 31-ча денга кхаччалца, ЕДВ, ФСД пенсена тӀакхеташ дола 56 эзар 38 сом а хьалургда республикан вахархочунна укх бетта», - аьлар ГӏалгӀайчен сага бокъонех волча викала фусаме.
