Гӏалгӏайчен вахархочунна хьаделар, соцадаь хинна 832 эзар сом пенси
Гӏалгӏайчен сага бокъонаш лораяра волча викал волча фусаме, Магӏалбика вахархочунгара кхайкарал дера, судо шийна хьожадаь ха яха саг ше хиларах доагӏаш дола пенси, хьалуш дац аьнна. Хьалхагӏа цу тайпара бокъо цун хилар тӏаийцар, Магӏалбика шахьара судо Пенсионни ганза тӏа а дилла, 2019 шера бекарга бетта пенси дӏадала доладе, аьнна. Бакъда судо тӏадилла декхар укх ханага кхаччалца кхоачашдаьдац, цудухьа цу сага бокъонаш лораяра волча викалга дехар дир.
«Сага бокъонех волча викала из хьал теркалдир, доагӏаш дола каьхаташ дӏадахьийтар Россе Социальни ганзе. Цу тайпара техкар деррига этта хьал, мехка вахархочун бокъонаш меттаоттаяра де дезар хьадир. Карарча шера маьцхали бетта пенси хьаделар ерригача дӏаяхача ханах, 2019-ча шера бекарга бетта денз дар из, цох хилар 832 эзар сом», - аьлар «Сердало» газетага Гӏалгӏай Республикан УПЧ хоамий-аналитически даькъ тӏа.
Из саг мел гӏадваха хургва ха хала дац, бокъонаш лораяра даькъ тӏара болх дика вӏашагӏбелла хиларах, шийна доагӏаш дола ахча хьаэца аьттув баларах.
