Бокъо йоцача тайпара 203 эзар сом ахча газах хьатехар Наьсарерча вахархочунна
Шахьарерча прокуратуран болхлоша техкар, бокъо йоацаш ахча хьатехад сона газах, яхаш, латкъаш хиннача сага гӀулакх. ДӀабихьача тохкама балхо гучадаьккхар, ООО «Газпром межрегион газ» оагӀон балхаца доккхий кхоачамбоацараш долга.
2017-ча шерарча маьтсела беттагара аьтинга беттага кхаччалца, цу сага йоагаяь йоацача газах ахча хьадийттад газа оагӀон болхлоша. 203 эзар сомал тӀехбаьннаб уж, ахча хьадетташ.
Газа болх хьахьокхаш хинна гӀирс боаггӀача боараме болх беш хиннаб, бакъда газа оагӀон болхлоша, цунга хьежа ца а тохаш, ахча цӀен доаккхал дусташ хьадийттад, цунга хьежжа ахча боарамал тӀехдаьннад. Наьсарерча прокуратурас дикка техкар из гӀулакх.
ООО «Газпром межрегионгаз Наьсаре» яхача моттига кулгалхочунна тӀадиллад; цу оагӀонцара кхоачамбоацараш юстардаха, аьнна. Ӏаьдало ший болх боаггӀача боараме дӀабихьар, цу сага тӀера из декхар дӀадаьккхар, цун бокъонаш меттаоттайир. Цу гӀулакхо хьагойт, прокуратурас ЖКХ оагӀонцара наьха бокъонаш лораяра тӀехьа къахьегилга.
