Шахьара моттигаш цӀенъеш лел ЖКХ болхлой
14.03.2025 11:06
Шахьара моттигаш меттайоалаеш къахьегаш ба ЖКХ болхлой. Наькъаш цӀендеш, йистошкара нувхаш, дом, хотта дӀабоаккхаш, эшаш йоаца гаьний ткъовронаш дӀатедаш болх беш ба уж.
«Сердалога» из хоам бир шахьара администрацера. Шоай болх боаггӀача боараме дӀахьош, салаӀар доацаш къахьегача цу наха доккха баркал ала доагӀа тахан.
Тоабанцара болх лерттӀа дӀабахьарах, йиллача хана чакхдоах цу наха шоай мел дола гӀулакхаш.
