ЖКХ оагӀон хьал тоалуш латт мехка
ЖКХ оагӀон хьал тоадара тӀехьа, боккха болх ба вай республике дӀахьош, хӀаьта тахан хьагучох, дикача оагӀорахьа хувцаденнараш дукха да. «Сердалога» из хоам бир Мехкадаь зарбан болх лелабераша.
«Болх ма хетта дӀабодац, цун ший бахьанаш да. Эггара халагӀдар да, бахархой шоашкара доагӀаш дола ахча дӀатела раьза цахилар. Федеральни программаш бахьан долаш, тоалуш латт цу оагӀонца дувзаденнараш», - белгалдир мехкадас Келаматанаькъан Махьмуд-Ӏаьлас, цу балхах дувцаш.
Цу оагӀонца болх дӀахьош Эбарга-Юртара ши гӀув яьккхай. МагӀалбикерча Красноармейски оалача урам тӀа керда хин турбаш чуяьхкай, «ТӀой-Юрт» яхача хий дӀа-юха хьожадеча моттиге оттаяьй керда насосаш, бӀеха хиш дӀаухаш йола моттигаш цӀенъяьй Наьсаре, иштта массехк урам тӀара хин турбаш тоаеш болх дӀабихьаб.
