«100 хьалхалаттар» яхача программе котало яьккхар вай журналиста
15.07.2024 15:29
Татарстане дӀайихьача «100 хьалхалаттар» яхача йоккхача дешара программе котало яьккхар вай мехкарча лакха начӀал долча журналиста. Из хоам «Сердалога» бир «Кхетама моттиг «Машук» яхача оагӀон хьехамча волча Охценаькъан Ислама.
«2015-ча шера сатийса диплом хьаийца, ГӀалгӀай паччахьалкхен телевидене балха вера Гиренаькъан Мухьаммад. Хоамий программах болча оагӀон кулгалхочун гӀонча волаш, къахьегаш ва из тахан. Тайп-тайпарча семинарашка, яхьашка дакъа лоацаш хьавоагӀа лакха начӀал дола Мухьаммад. Массехк дийнахьа балхацара говзал дӀагойташ, тоабашцара ловзараш, экскурсеш, кхетаченаш чакхйоахаш болх бергба Мухьаммада.
