ГӏалгӀайчен журналисташ хьех, «ПРОгаз» яхача яхье дакъа лаца
«Газпром межрегионгаз» филиала болхлоша вӀашагӀъеллар «ПРОгаз» яха яхь. СМИ оагӀонаш тӀа газаца Ӏалашо ярах, из чуйилларах лаьца дикагӀа даь йоазув белгалдоаккхаш хургда, яхаш, дийцар «Сердало» газетага «Газпром межрегионгаз Назрань» оалача ООО говзанчаша.
«Цу яхьанна чудоагӀаш, оаха журналисташ тӀахьех «ПРОгаз» яхача темах лаьца кӀоаргагӀа дувцара; газ чуйилларах, из лелаярах, цун кхерамзленах, из лоаттаярах дола хаттараш цар овлангара хьалъайдарга сатувс оаха», - йоах хоамо.
Белгалду, таханарча заман сага вахаре ца хилча яргйоацаш а массайолча оагӀорахьа эшаш а я газ. Цо Ӏалашъю вай цӀеношка йӀовхал, из иштта эшаш я предприятешка, квартирашка, урхалленашка, из экологически хургдолчун лоархӀаме оагӀув я.
Пайда хьабаргболаш вӀашагӀъеллача яхьа доакъашхоша хьагойтаргда шоай начӀал, балха боарам, иштта царна лургда мах бола совгӀаташ, цу юкъе «Газпром межрегионгаза» керттерча кулгалхочунца Густов Сергейца ПМГФ-2025 даькъ тӀа хургдола вӀашагӀкхетар а долаш. Из хӀара шера дӀахьош дола шоайла хетар дӀа-юха алара къамаьл да, цул совгӀа, цу даькъ тӀа бувзам чӀоагӀ а бу цо.
Шоаш кийчбаь болх хьабайташ, тайп-тайпарча СМИ викалаша дешархошта керда хоамаш довзийтаргда, газах а вай кхоанарча вахарах а лаьца.
Цига дакъа лацарах бола хоам ха йиш я лаьрххӀа йолча компане сайта тӀа дехар дуте.
Яхьан хьалаш, дехар мишта хила деза, кхелахоех, яхьан чаккхенах кепа тохаргья сайта тӀа https://mrg- onlӀne.ru/.
Котбаьннараш белгалбаргба укх тайпара:
- телевидене, видео гӀолла дикагӀа йола сюжет;
- дикагӀа йола кепа теха материал;
- Хоамий агентстве гӀолла дикагӀа йола материал;
Интернете гӀолла дикагӀа йола публикаци;
- вахара бувзамашка гӀолла дикагӀа йола материал;
- радио гӀолла дикагӀа йола материал.
Темаш:
- РФ моттигашка газ чуйиллара, газаца Ӏалашо яра программа дегӀайоалаяр;
- йоацача дӀахо чуюллаш йола газ (кхы тӀа вахара моттигашка газ чуйиллар);
- газ лоралуш лелаяр;
- газ лелаярах ший ханнахьа мах дӀалуш хилар;
- «газпроммежрегион газ» мичахьа я наха дӀахойташ хилар».
Дехараш, материалаш хьаэцаргья 01.11. 2024 шергара дӀаболабенна, 01.08.2025 шерга кхаччалца.
Керттера хила дезар да, лоархӀаме, ше морг кхы йоацаш, бакъдар дувцаш, дикал йолаш, еша догдоагӀаш материал хилар.
ГӏалгӀайче дукха да газаца дувзаденна дувца, хӀаьта СМИ викалий из тешшаме а хургда, цудухьа дика яздаьчох моттиг яккха йиш йолаш ба журналисташ цу яхье.
