ХӀара шера тӀахьожам дӀахьош, белгалбаь болх ба из. Укх шера дӀабахьа безача балха юкъе да тока саьргаш хувцар, тишъенна трансформатораш хувцар, тока гӀирсаш латта доазош шердар а цӀендар а. Цул совгӀа, хӀара кхале тока оагӀон къахьегамхошца моллагӀча хатара духьалъоттар мишта хила деза гойташ бола болх дӀахьоргба.

«Тока оагӀон моттигашка болх дӀакхухьаш дола гӀулакх хӀара шера дикка шердеш латт оаха. Укх шера цу гӀулакха «Ингушэнерго» яхача оагӀоно хьожадаь ахча 14 млн сом да, - белгалдир цу моттига кулгалхочун декхараш кхоачашдеш волча БӀарахой Рашида. - Из болх чакхбаьккхача тока хьал дикка тоалургда. Эггара керттердарех да Ӏан кийчо еча хана трансформаторцара тишъенна оатхалаш хувцар». Тока оагӀон говзанчаша шоаш дӀахьоргба дукхагӀа бола болх.