ГӀалгӀай къаман
юкъара газет

«ГӀалгӀайче» яхача газета хьалхара номер араяьлар 31 шу хьалха

24.04.2024 15:02

31 шу хьалха араяьлар вай мехка «ГӀалгӀайче» яхача хӀарман-политически газета номер.

«1993-ча шера бӀаьстан шоллагӀча бетта 24-ча дийнахьа, таханарча Шолжа-Шахьаре, цу хана Орджоникидзевская оалаш хиннача станице арадувлаш хиннача «Къахьегама байракх» яхача газета редакце, арадувла доладелар «ГӀалгӀайче» яха газет.

Цун хьалхара керттера редактор вар республике дика вовзаш хинна, тӀехьагӀо «Сердалон» керттерча редакторалла хьожаваь журналист Шеденаькъан Хьусен», - белгалду редакце исторе.

«ГӀалгӀайче» яхача газета редакце болх беш чакхбаьннаб вай мехкара дукха журналисташ. Таханарча дийнахьа цун керте латтар ва Хамхой Рашид.

Газета каьхата а электронни а оагӀонаш тӀара, вайна довз мехкара лоархӀаме керттердараш.

«Сердало» газета болхлоша даькъалабувц цун журналисташ, дуккхача шерашка иразе, аьттув болаш, доккхий толамаш доахаш къахьега. Беркате хилба шун кхоллама никъ, хьамсара новкъостий!

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде