ГӀалгӀайчен тока саьргаш тоадара 38 млн сом хьожадергда
«Къилбаседа Кавказ» - «Ингушэнерго» филиала говзанчаша 2025 шера тоадергда 66,3 километр лакха ток хьачуоазаш дола cаьргаш (ЛЭП). Из болх дӀабахьара 38 млн сом хьожадаьд.
Токаца болх бераша цу юкъе 38 километр тишденна саьргаш хувцаргда дикагӀчарца (СИП). СИП оала саьргаш механически духьал дикагӀа отталуш да халача хаоттама, дохара а тӀера дац. Таханарча хана арахецаш дола тока саьргаш наха зе ца дара дикагӀа да; цул совгӀа, бокъонах доацаш ЛЭП чуйилла таро йолаш а дац.
Иштта 436 кхы пайдана доаца бӀоагӀий, кердадараш Ӏоувттадеш, хувцаргда; иштта диъ эзар деха а тишденна а «пела» хувцаргда Россе хьадаьчарца.
Дика болх дӀабахьара эшар да - наькъаца ягӀа гаьний ткъоврош дӀаяхар, уж бахьан долаш технически кхоачамбоацараш дукха нийслуш хул. Карарча шера де дезача балхашта чудоагӀаш да 29,7 гектар тӀа из болх дӀабахьар.
Царна юкъе дикка лоархӀамегӀа да Ищерская-Пхьилекъонгий-Юртарча даькъ тӀара тока саьргаш хувцар, цар Ӏалашъю токаца ГӀажарий-Юрт, Чамалха, Алхасте, Берда-Юрт, Арште, Галашке, Мужече, ДаьттагӀе, Оалкаме. Цар дика болх барах тийша да 32 эзар сага ток дӀакхоачаш хилар, иштта цу юкъе я 54 вахара лоархӀаме моттигаш.
Говзанчаша хувцаргда ток лоаттаеча гӀишлон 6,7 километр бӀаьха саьрг, 1 029 «пела», 76 уж оалхазарех лорадеш бола гӀирс. Уж балхаш дӀадахьа оттадаьд «Ингушэнерго» доазонашка технически тоадара лаьрхӀа йолча Программах. Белгалду, «Къилбаседа Кавказ россеташа» карарча шера 249 млн сом дӀадохийтаргда ГӀалгӀайчен ремонтни балхаш чакхдахара, из 2024 шера хинначул 6% дукхагӀа да.
