Керда 30 автобус кхаьчай республике
15.01.2025 11:17
Федеральни оагӀоно гӀо деш, 30 керда автобус кхаьчар вай мехка. Керда автобусаш йоалае аьнна дӀахьожадаьр 264 млн сом ахча дар, цох 250 млн сом федеральни оагӀоно хьожадаьд вай мехка. Из хоам тха газетага бир Мехкадаь, Паччахьалкхен зарбан болх лелабераша.
ПАЗ «Vestor Next» яха автобусаш таханарча ханага хьежжа хьаяь я.
«ГЛОНАСС» яха кхоачам, автобус ший бахьа безача новкъа мишта лелаю гойташ бола, чубагӀа нах дагарбеш бола гӀирс, фодеттаргаш, видеокамераш, ахча дӀатела моттиг чуйолаш я керда автобусаш. Уж леларгья Пригородни, МагӀалбика, Шолжа кхалешка, иштта ЖӀайрахье.
