«БӀаьсти хьаяьлча, хӀара шера ГӀалгӀайче «Дагалоаттама Беш» яха халкъашта юкъера болам дӀахьу. Гаьнаш дӀайогӀарах, мехкара хьу а меттаот, цул совгӀа фо а цӀенлу.

Къона гаьнаш дӀаегӀар Наьсарерча, Галашкарча доазонаш тӀарча хьунашка. Юкъара цар дӀалаьца моттиг яр 26 гектар», - аьлар Ӏалам лорадераша.

Белгалдаккха дезаш да, карарча шера дӀае лерхӀаш йола гаьнаш, ялхазза дукхагӀа я дӀадахача шера дӀайийна хиннарел.

Из болх баьб ГӀалгӀай Республикан Наьсарерча, Шолжерча Ӏалам лорадарах, цӀерца къовсам лоаттабарах йолча центра болхлоша. Маьтсела бутт чакхбоалаш, лаьттан Ӏунал де лерхӀ цу моттиге.

АргӀанара экологически болам дӀабахьа лерхӀ, бекарга бетта 27-ча дийнахьа, ТӀема Сийлен шахьаре - МагӀалбике.Укхаза а иштта гаьнаш дӀайогӀаргья. Цар хоздергда вай Ӏалам.

Ерригаш а Россе бахархоша дӀайогӀа лерхӀ, Сийлахь-боккха Даьймехка тӀем тӀа байнарий сийна 27 миллион га.