Кхаьч-кхаьчача маршруткаш Ӏоувттаю гӀулакх тоаде лерхӀ Наьсаре
16.01.2025 11:13
«Осканаькъан» оала гом болча моттиге маршруткаш Ӏоувттае доазув къоастадергда. Из хоам «Сердалога» бир Наьсарерча администрацера.
ЦАО гобаккха, цигара хьал тахка араваьлар шахьара да вола Оздой Руслан. Цо белгалдир, кхаьч-кхаьчача маршруткаш Ӏоувттаеш машинашта новкъарле еш, наькъ тӀара хьал толхадеш дола гӀулакх тоаде дезилга.
«Осканаькъан» оала гом болчара дӀаболабе лерхӀ из болх. Иштта хьаким хьежар, Московски оалача урам тӀара хий тоадеш; догӀаш, хиш Ӏочуухаш йола моттигаш дӀакъовлаш, дӀахьош латтача балхага.
