«ЦӀена дуне» яха ООО МагӀалбикерча нувхаш тӀара цӀи йоаеш я
Бокъо йоацача моттиге бахархоша дӀакхувса нувхаш йоагаш латт МагӀалбике. Массехк моттиге баьнна цӀера ала боккха, бикъа кӀур боаржабаь, дӀа-хьа баржаш латт. Из хоам «Сердалога» бир Ӏалама гӀулакхех, экологех йолча министерство. Цар белгалдечох, хьалха санна цхьанне лотаяь хила тарлуш я цӀи. «Из йоае арабаьннаб «ЦӀена дуне» яхача оагӀон болхлой.
Массехк машинаца къахьегаш боахк цига, из хатар юстардоаккхаш. Оаха доккха баркал оал цу оагӀон болхлошта шоай болх сиха, бехктокхаме дӀахьош хиларах», - йоах тхога бенача хоамо.
Министерстве белгалдечох, «ЦӀена дуне» яхача 000 оагӀон къахьегамхой, шоаш болх бе болабеннача дийнахьа денз, иштта ювлаш йола цӀераш дӀайоаеш ба. Наьха унахцӀено, гонахьара Ӏалам лорадара тӀехьа боккха, лоархӀаме болх дӀакхухьаш, хьабоагӀа уж, шоай декхараш дизза кхоачашдерех болаш.
