Дехарашцара болх дIахьош я мехкара ЦУР
16.06.2025 15:08
Бахархой дехараш доашхаш, болх дIахьош я республикера ЦУР. Укх бетта 6-ча денгара 12-ча денга кхаччалца, «Инцидент-Менеджмент» яхача оагIонца чуденнараш 170 дехар да, дIадахача кIирага диллача, 28% лохагIа хул из гIулакх. Мехкадас Келаматанаькъан Махьмуд-Iаьлас белгалдир, тIалатташ дола хаттараш тохкаш, цу оагIонца болх дIахьош хилар да из, аьнна.
«ДIахо а къахьега деза кхоачамбоацараш юстардоахаш, бахархошта къувлараш фуд тохкаш», - аьлар вай Мехкадас.
ТIалатташ долча хаттарашта юкъе эггара кастагIа нийслуш дараш хица, ток дIайоаярца, цхьацца моттигий куц тоадарца дувзаденна да.
Эггара хьалхарча мугIаре латт Наьсарера бахархой - 90, царна тIехьа МагIалбик- 31, тIаккха Илдарха- ГIала - 18.
