Бахархой моллагӀа хоам сиха теркалбергболча тайпара, оттабаьб ЦУРа ший болх
Бахархошка беш болча хоама ма хулла сихагӀа терко хургйола гӀулакх юкъедоаладаьд республиканна доал дарах йолча моттиго. Юрташка, шахьарашка цхьацца балха тӀагӀолла газ, ток дӀайоаелгах хоам бара тӀехьа лоархӀаме моттиг дӀалоацаш хургда кердадараш.
Мехкадаь зарбан болх лелабераша белгалдечох, деррига тоадаь, нийсдаь, карарча хана болх дӀаболабаь я из моттиг. Цунга хьежжа, бахархошка моллагӀа хоам ханнахьа, боаггӀача боараме дӀакхачийта безаш ба юрташкара, шахьарашкара хьакимаш.
ХӀара бетта 1500 нахагара дехараш чакхдоал ЦУРе гӀолла. МоллагӀча моттига болх цхьан юкъа дӀасоцабеш хилча, ханнахьа из дӀахайтар эшаш да из гӀулакх. «Шахьарашкарча, юрташкарча хьакимаша наьха хаттарашта жоп даларал совгӀа, цар довзийта кхоачамбоацараш ханнахьа юстардаха деза. ХӀара сага лоархӀаме да ше яхар дӀахазар, шийна гӀо дергхиларах дог тийша хилар», - белгалдир вай мехкадас Келаматанаькъан Махьмуд-Ӏаьлас.
