Депутаташ вӀашагӀйоллаш ба, Парламента кхетаче дувцаргдолча дешай проект
ГӀалгӀай Республикан Халкъа Гуллама Кхела кхетаче хилар, вице-спикера Пхьаранаькъан Руслана кулгал деш. Доакъашхоша дийцар Парламента хьалхашка латта балха декхараш, из хоам бу ГӀалгӀай Республикан Халкъа Гуллама зарбан болх лелабераша.
Депутаташа белгалдир, законаш арахецара даькъ тӀа аьтинга бетта бе безаш хинна болх дӀахьош хилар. Бакъда гулбеннараша юкъедаьхар кхыдола дешаш а. ЛоархӀамеча проектах бар, цӀихезача кавказоведа Горепекин Фомайна «Наха сийдер» яха ГӀалгӀай Республикан Халкъа Гулламо орден совгӀата яларах бола соцам. Из совгӀат далар дувзаденна да гӀалгӀай паччахьалкхен Денца, иштта Горепёкин ваь ди хиларца. Уж шаккхе а ди белгалдеш да кӀимарса бетта 7-ча дийнахьа. Парламенто из, цхьа барт болаш, хьаллаьцар.
Белгалду, кхетаче ладувгӀаргда МагӀалбика администраце кулгалхочунга, 2024 шера баьча балхах а 2025 шера де лерхӀачох а дувцаш.
