Оакхарий лорадеш болх дӀакхухь хьунашка
24.04.2024 10:18
Чарахьал ду ха чакхъяьннаяле а, хьунагӀара оакхарий лорадеш болх дӀакхухьаш, тӀахьожам лоаттабу вай мехкарча хьунашка. Из хоам «Сердало» газетага бу Ӏалама гӀулакхах йолча Министерствон болхлоша.
«ЖӀайрахьа, Шолжа-Шахьара, МагӀалбика, Наьсарен кхалешка хьунагӀа тӀахьожам беш рейдаш дӀайихьар. Хьунашка гобоахача юкъа, ца доагӀа, бокъо йоаца хӀама нийсдаланзар», - йоах тхогарча хоамо.
Ше-ший аргӀагӀа дӀахьош болх ба из. Бокъо йоацача хана, хьунагӀарча оакхарашта чарахьал дар, бехктокхаме озаш хӀама да. Вай дерригаш оарцагӀдаьнна лораде дезарех да хьун гӀулакх, Ӏалама хьал. Дала вайна денна хоза беркат да из!
