Крыма, ГӀалгӀайчен, Балкхарой республикан кулгалхой цахувцар дех «ЦаӀ йолча Россе»
ГӀирме, ГӀалгӀай мехка, Балкхарой республике кулгал деш латтараш шоай моттигашка битача бакъахьа хеташ, РФ президентага Путин Владимирга къамаьл дир «ЦаӀ йола Росси» яхача парте.
Цун генсовета хьаллаьцар Аксёнов Сергей (ГӀирма), Келаматанаькъан Махьмуд-Ӏаьла (ГӀалгӀайче), Коков Казбек (КБР); уж кулгалхой моттигашкарча бахархошта тешаме, шоай декхараш боаггӀача боараме кхоачашдеш ба аьнна хеташ.
Политически партена хетар техкачул тӀехьагӀа, хоадам бергба Путин Владимира цу гӀулакха. ГӀалгӀай мехка хоржамаш дӀахьоргда гуйран хьалхарча бетта 8-ча дийнахьа, ГӀирме, Балкхарой респблике – гуйран шоллагӀча бетта 23-гӀа ди тӀакхачале.
Келаматанаькъан Махьмуд-Ӏаьла вай республикан кулгалдеш ва, 2019-ча шера денз. Белгалде деза, хьалха из республикерча прокуратуранна кулгал деш, Самарски областе болх беш хиннилга.
