Единороссаш Магаса 6-ча зӀамигача кхален даькъ тӀара аллея тоаяьй
«ЦаӀ йолча Россе» моттигерча партегара депутаташ ГӀазданаькъан Ада, ТӀумхой Мустафа, Магас шахьара администрацена чуйоагӀача балха моттигий викалаш, шахьара депутатий кхела кулгалхочунца Дарсиганаькъан Хаваж-Бахьаудинаца цхьана хьежар 6-ча зӀамигача кхален даькъ тӀа «Шахьара хьалаш» яхача проектах тоаеш латтача аллея балхага, яхаш, дийцар парте зарбан болх лелабераша.
Цига бахача наькъа, керттера теркам тӀабахийтар доазув тоадара, сердал Ӏалашъяра, гӀашлошта йола моттиг тоаяра.
Ахкан зама гаргакхоачача хана, цига керда архитектурни гӀовнаш оттаде лаьрхӀад, иштта хургья берий майда, гонахьара доазув баьццардерзадергда.
ЛоархӀаме да, уж деррига балхаш, бахархошта цох хетар чу а лоацаш, дӀадахьар. Шахьара моттиг хила еза массанена накъаяргйолаш, атта хургйолаш», - аьлар Дарсиганаькъан Хаваж-Бахьаудина.
