«Россе хий» яхача экофестивало Эса тӏа 1458 доакъашхо гулвир
Гӏажарий-Юрта Эса хин берда йистошка йоккха экофестиваль дӀайихьар, хӏара шера укх хана дӀахьош йола, цига гулвелар 1458 саг. Кхетаче дӀахьош яр «Россе хий» яхача хин моттигаш цӀенъяра Ерригроссийски болама чуйоагӀаш, «Экологически дика хьал» яхача къаман проектах.
Из кхетаче хетаяь яр мехка цӀайна - Шолжа хин Денна, из белгалду ГӏалгӀайче 2018-ча шера денз, иштта из тӀехьара а дар «Россе хий» яхача фестивала укх шера.
ГӏалгӀайче укх массехк шера хилар хьалхара моттигаш йоахаш, мехкашта юкъе экологически болам дӀабахьарах, хин йистош цӀенъеш. Дӏадахача шера ГӏалгӀай мехка дӀахьош хиннача боламе дакъа лоацаш вар 80 эзар саг, цар цӀенйир 300 км берда йистош, гулйир 9 эзар кубически метр нувхаш.
Фестивала программанна чудоагӀаш дар, доазон тӀа лостам бар, экологически лекцеш дӀаяхьар, спортивни кхетаченаш, хаттараш-декхараш, говзанча хьехамаш, концерташ, берашта кхоллама доакъош а кийчдаьдар. Йистеяьлар кхетаче, гулъяь нувхаш дагаръярца, эггара дикагӀа къахьийгарашта совгӀаташ даларца, иштта «Ший тайпара дола корадаьр» яхача яхьаца.
Лостам бе болалуш хьалха, доакъашхоша де дезар белгалдеш болх дӀабихьар, балха тӏа эшаш бола гӀирс цу моттиге хьабелар.
Бӏарчча дӀалаьрхӀача, республике гӀолла хиннача боламе дакъа лоацаш вар 20 эзар саг. Укх шера царех дӏакхийттавар 63 эзар волонтёр, цӀенйир 400 км берда йистош. Экофестивале Гӏажарий-Юрта гулйир 153 гали нувхаш, царех 31 гали каьхаташ, 42 гали пластика, 36 гали ӏоакъингаш, 5 гали аьшкаш, 39 гали вӏашагӏъийна нувхаш.
