ГӀишлошъеча совъяьнна хӀамаш Ӏокхайса моттиг гучаяьлар Ӏаьлий-Юрта
Ӏаьлий-Юрта гӀишлошъю балхаш даьчара совъяьнна хӀамаш, лаьтта Ӏодоассадаь моттиг гучаяьлар мехкарча экологашта. Из хоам «Сердалога» бир Ӏалама гӀулакхех йолча Министерствон болхлоша.
Магасе вӀаштӀардаь цӀа хьалдотташ совъяьнна хӀамаш араяха аьнна тӀаеттай машина тӀа, тӀаккха цу юкъерча цхьан болхлочо нувхаш дӀакхувса къоастадаь доацача Ӏаьлий-Юртарча цхьан доазон тӀа Ӏойоассаяьй.
РФ бокъонаш телхаеш да хӀама бе доацараша деш дола цу тайпара гӀулакх. Цул совгӀа, мехкара экологически хьал толхаду кхаьч-кхаьчача доаржадеча нувхий гувнаша. Цу моттиге хьатӀабийхар полице болхлой. Ӏаьдало тохкаргда из гӀулакх дӀахо.
Дала хьаденна ер хоза Ӏалам лорадара, цун хам бара тӀахьех экологаша мехкара бахархой. Боккъал а ма толхаде мехкара экологически хьал!
