Нувхий гувнаш доаржадерашца, къовсам лоаттабе лерхӀ экологаша
Шоай доалахьарча лаьттан тӀа Ӏалама хьал лорадеш хилар чӀоагӀдеш йола проект вӀашагӀйолла лаьрхӀа, болх дӀахьош я Госдума экологех йола комитет.
Ший доалахьа лаьттан чӀегилг йола моллагӀа саг, юридически моттиг из доазув цӀена леладе декхарийла да. Нагахьа, нувхаш йоаржаяь хуле, уж дӀаяха ха лургья царна.
ХӀаьта оттаяьча хана цар уж дӀаяьха ца хуле, лаьттан доазув Ӏаьдала доалахьа дӀачудахийтар юкъедоаладе йоах Госдума экологех йолча комитета. Нувхаш Ӏокхийса моттигаш гучайоахаш бола болх дӀакхахьа безараш ба моттигашкара хьакимаш.
Экологаша, администраце болхлоша цхьана дӀакхухь из болх вай мехка. Вайна гуш ба, Наьсарерча, Илдарха-ГӀалий тӀарча, МагӀалбикерча, Шолжа-Шахьарерча, иштта кхыйолча моттигашкарча хьакимаша цу доккхача зулама духьала дӀакхухьаш бола болх.
