Ӏалам лорадерашта гучаяьлар, хий лорадара Магаса даькъ тӀа дӀакхийса нувхаш
ГӀалгӀай Республикан Ӏалам лорадара Министерствон экологашта гучадаьлар, Магасерча хий лорадеча даькъ тӀа, бокъо йоацаш, нувхаш Ӏокхийса хилар. Из хоам «Сердало» газетага бир ГӀалгӀай Республикан Ӏалам лорадераша.
«ГӀалгӀайчен Ӏалам лорадара Министерствон паччахьалкхен инспектораша, массехк моттиг гучаяьккхар нувхаш Ӏокхийса. Шолжа хин йистегӀолла, Набережни урамах, кхы а диъ даькъ тӀа дар цу тайпара сурт. ГӀалгӀай Республикан прокуратуре дӀачуеннай цу гӀулакхах йола материал», - аьлар хоамо.
Говзанчаша белгалду, вай мехка цу тайпара нувхаш Ӏоаеш хилар мел унзара да - из лаьттан дикала чӀоагӀа Ӏаткъаш да, нувхаш цига Ӏокхувсаш хилар геттара харцахьа да. Цо толхаду гонахьара Ӏалам а лаьтта а.
Гонахьара Ӏалам лорадеш, законо дӀадехар леладеш саг хилар; граждански оагӀорахьара бехктокхам кхетабеш хилар да.
