«Къилбаседа Кавказа россетий» филиала къахьегамхошта елар, «ГӏалгӀай паччахьалкхен 100 шу дизар» яха майдилгаш
ГӏалгӀайчен кулгалхочун 2024 шера ардара бетта 25-ча дийнахьа арадаьннача Амарах, «Къилбаседа Кавказа россетий» - «Ингушэнерго» филиала болхлошта елар ГӏалгӀай паччахьалкхе хьакхелла 100 шу дизара хетаяь майдилгаш.
Шоай балха тӀа бехктокхаме хиларах, моллагӀа дола декхар кхоачашде кийча хиларах; белгалвир филиала кулгалхочун декхараш кхоачашдеш вола Бӏарахой Рашид; керттерча инженера гӀонча - болхлой кхерамзле лелаяра, къахьегам лорабара тӀахьожам лоаттабеча даькъа кулгалхо Осканаькъан Ислам; болх вӀашагӀболлача даькъа кулгалхо Совтанаькъан Мухьмад.
«Из да, энергетикий берригача балха лакха мах оттабеш хилар, моллагӀча хана, ара хаоттам мичча беса хиларах, мехка фусамашка сердал, йӀовхал лоаттаю цар», - аьлар «Ингушэнерго» филиала кулгалхочун декхараш кхоачашдеш волча Бӏарахой Рашида.
