Ялата керда фунаш дайзар фермерашта семинаре
16.06.2025 14:20
Мехкарча «Ама» яхача юртбоахама моттиге семинар-кхетаче дӀайихьар фермерашца. Ӏан кӀалха додаш долча кӀин, мукха гӀулакхех дийцар цига. Кхетаче гулбеннабар фермераш, юртбоахама моттигий кулгалхой, юртбоахама гӀулакхех йолча министерствон болхлой, «Россельхозмоттига» къахьегамхой, иштта кхыбараш а.
Министерствон зарбан болх лелабераша белгалдечох, юртбоахаме кердача фух ялат хьачударах, цунца дӀабахьа безача балхах дийцар цига. Гойта оттадаьдар дика лоархӀаш дола кӀин фунаш – «Хит», «Алексеич», «Котало 75», «Арена»; иштта мукх - «Юрий», «Мир», «Титан», «Кладенец», «Вася», «Сатурн».
Лукьяненко П. П. цӀерах йолча ялата Къаман центро юкъедаьха уж ялаташ вайцига дика хьахулаш да. Къаьстта уж дика лоархӀаш долга белгалдир цу оагӀонцарча болхлоша.
