Гӏалгӏайчен Кулгалхочо Россе Росгвардеца бувзам лелабара дешаш дийцар
02.10.2025 09:40
Шоай вӏашагӏкхетар долаш, Гӏалгӏайчен Кулгалхочо Келаматанаькъан Махьмуд-ӏаьлас Российски Федераце къаман гварде (Росгварди) эскара Федеральни гӏулакха директорца Золотов Викторца дийцар, бувзам лелабара дола хаттараш, яхаш хоам бу «Сердало» газетага Гӏалгӏай Республикан Росгварде зарбан болх лелабераша.
Кхетаче дӏайихьар Москве. Дувца оттадаь дош дар вай мехкарча къаман эскаро, декхараш кхоачашдеш, масса оагӏорахьара бувзам лелабарах.
Россе Турпала, эскара инарала Золотов Виктора баркал аьлар Гӏалгӏайчен кулгалхочоа Макшарипа Махьмуд-ӏаьланна республикерча Росгварде даькъ тӏа болх ӏалашбара дола дешаш дувцаш ше хьаллацарах.
