ГӏалгӀайчен Кулгалхочо белгалйир республикан кагирхой таронаши хургдолчун наькъаши
11.11.2025 17:52
ГӏалгӀайчен дика, хьаькъал дола кагирхой ба, таханарча ден хаттарашта жоп дала таро а йолаш. Из белгалдир ше «Магас» яхача къаман телеканалага гIолла мехкахошца къамаьл дӀахьош ГӏалгӀайчен Кулгалхочо Келаматанаькъан Махьмуд-Ӏаьлас.
«Вай кагирхой ба, из гуш а да, болх беча тайп-тайпарча доакъош тӀа, масала, ӀТ-Академе, иштта кхыча моттигашка. Цул совгӀа, республике вӀашагӀйоллаш я къонача говзанчий, кулгалхой программа. Кагирхой къахьегама тӀера ба вай, хьинар долаш а ба», - аьлар Макшарипа Махьмуд-Ӏаьлас.
Белгалду, ГӏалгӀайче укх массехк шера дӀахьош я дукхача оагӀонашкахьара политика, де йиш йола новкъостал деш кагирхой таронаш гучаяхара, республикан кхувш йоагӀача тӀехьенна начӀал довзара лаьрхӀа.
