ГӏалгӀайчен Кулгалхочо 11 шу даьннача кӀаьнка йовзийтар дунен хозал
МагӀалбикера Борзанаькъан Ӏаддал-Малик хӀама хозаш вацар, хӀанз шийна гонахьарча дунен оазаш хозаш ва из, ГӏалгӀайчен кулгалхо Келаматанаькъан Махьмуд-Ӏаьла бахьан долаш. Цу кӀаьнка лаьрхӀа хӀама хозийташ йола аппарат ийцар цо, цун мах бар 500 эзар сом.
Ӏаддал-Малика дезале из эца таро цахиларах, Келаматанаькъан Махьмуд-Ӏаьлага дехар дир; новкъостал де, аьнна. Хьалха цо лелаеш хиннар кхы лелае пайдана яцар, кердаяр эца таро а яцар цар. Махьмуд-Ӏаьлас цар кхайкарала жоп делар, цар дезала эшаш дола новкъостал а дир.
Хӏанз, цу кӀаьнка нанас яхачох, хӀама хозаш хиларал а совгӀа, къамаьла а шаьрлуш воагӀа из. Цу тайпара новкъостал чӀоагӀа лоархӀаме да цу дезала, хӀана аьлча Ӏаддал-Малик зӀамига волаш хьаь чу цӀий десса ва, цул совгӀа ДЦП яха лазар а да цун.
