СКР болхлой цар цӀайца даькъалабийцар Мехкадас
Бахархошка ше деча къамаьла юкъе вай Мехкадас белгалдир, 2011-ча шера Россе тохкама комитет хьакхоллар мел лоархӀаме гӀулакх да. Наьха бокъонаш лораяра тӀехьа, Ӏаьдала баьккха боккха гӀа ба из, Келаматанаькъан Махьмуд-Ӏаьлас теркалдечох.
Вай Мехкадас хьоахадир, цу ханналца тохкама балхаш дӀакхухьаш хиннараш прокуратуран болхлой хиннилга. Из гӀулакх дикка тоаде, лакхде лаьрхӀа къахьегаш бар цу хана. Цудухьа соцам бир, уж декхараш къаьстта болча СКР оагӀонна тӀадахка аьнна.
Республикан кулгалхочо белгалдир, тахан цу наха кхааш ийдара духьала, сага бокъонаш ца лархӀара, йоал теларца дувзаденнарашта духьала къовсам лоаттабелга. Тохкама комитете къахьегарашта доккха баркал аьлар вай Мехкадас, шоай болх лакхача боараме дӀахьош хиларах.
«ХӀара дено котало яхьаш, аьттув болаш, хилба шун болх дӀахойодача хана а! Даьхен гӀулакха латта низ, денал долаш; могаш, маьрша долаш дахалда шо!» - тӀатехар вай Мехкадас.
