Россе кепайоазон Ди дездеш хиларца, цу лостамагӀа къахьегаш мел бола бахархой даькъалабувцаш, къамаьл дир вай мехкадас Келаматанаькъан Махьмуд-Ӏаьлас.

Тхьовра денз хьабоагӀаш бола из болх, цу наькъ тӀа къахьегараш мел доккха гӀулакх дечарех ба язду мехка кулгалхочо ший бувзама оагӀонашка.

«Тахан дукха кердадараш хьадаьржа ха яле а, кепайоазон гӀулакх массахана лакхача, лоархӀамеча моттиге латтаргда», - аьлар Мехкадас, вай мехка тахан цу даькъ тӀа болх бераш лакха начӀал дола говзанчаш болга белгалдеш. Иштта Мехкадас теркалдир, журналистий болх чоалхане болга. Къаман вахаре мел хулаш дола кердадараш бахархошта дӀадовзийташ, деррига теркалдеш, къахьега нах ба уж.

Журналиста тӀалатта керттера декхар массахана бакъдар дувцилга долга хьоахадир Келаматанаькъан Махьмуд-Ӏаьлас.

«Оаш шоай болх боаггӀача боараме дӀабахьарах, бакъдар долчча тайпара довза аьттув ба бахархой», - аьлар Мехкадас.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде