ГӀалгӀайчен Кулгалхо: «Росси йийлла а низ болаш а я бувзам лелабара»
ГӀалгӀайчен кулгалхочо Келаматанаькъан Махьмуд-Ӏаьлас, Петербургера халкъашта юкъерча экономически кхетачене волаш, доаккхал а деш, белгалдир; вай боккха мохк, Росси, низ болаш ба, яхаш, дийцар ГӀалгӀай Республикан кулгалхочун зарбан болх лелабераша «Сердало» газетага.
«Тахан дӀайолаелар ПМЭФ-24 керттера программа, со раьза ва, вай республика цу йоаккхача кхетаченна чуйоагӀаш хилара.
Мел чӀоагӀа Россена духьала новкъарленаш ярах, из бувзам лелабара кийча а йийлла а я», -аьлар Келаматанаькъан Махьмуд-Ӏаьлас, цу форума лоархӀамах дувцаш.
Цо белгалдир, тайп-тайпарча паччахьалкхен 17 эзар совгӀа доакъашхо цига дакъа лоацаш хиларо хьагойт, Российски Федераци, керда дуненна цхьоагӀо хьакхоллача хьалхале дӀахьош йолга.
Из вай мохк а цун хӀара регион а экономически дегӀаяра керда а пайдане а боаккхаш бола гӀа ба йоах ПМЭФ говзанчаша.
