Санкт-Петербурге бахаш болча вай къаман нахаца, кхетаче дӀайихьар Мехкадас
23.06.2025 09:31
Россе культуран оагӀонцарча столице Санкт-Петербурге ваха волаш, цига бахаш болча гӀалгӀашца кхетаче дӀайихьар вай Мехкадас.
ВӀашагӀкхетаре дийцар республикан хӀама тоадарца дувзаденнарех, культуран оагӀонцарча моттигах, регионашта юкъера бувзам чӀоагӀбарах, мехкахой оагӀув хьаллацарах. Вахара-экономически оагӀонцарча моттигерча толамех дийцар Мехкадас.
«Тахан Петербургера вай къаман нах - шин оагӀон юкъера бувзам ба», - белгалдир Мехкадас. Шахьаре Ӏеш болча вай къаман наьха хаттарашта жоп луш, тӀехьарча шерашка вайцига хиннача дикача хувцамех дийцар республикан кулгалхочо.
