ХьунагӀа яьнна цӀи дӀайоае оарцагӀбаьлар МЧС болхлой
16.07.2024 09:40
ЖӀайрахьа кхален хьунагӀа цӀи яьнна хатар хилар мехка. Шолжа кхален хьунашта тӀахьожам лоаттабу болхлой, МЧС 22 саг оарцагӀваьккхар цӀи йоае. Из хоам «Сердалога» бир Ӏалама гӀулакхех йолча министерствера.
«Гувнашкарча хьало хало ю цӀи дӀайоаеча. ЦӀеро мел доазув дӀалаьцад ховш дац тахан, бакъда дикка дӀа-хьа яржилга гуш да. ЦӀи йоаераш ма хулла къахьегаш ба цига. МалагӀча бахьанах хатар даьржад тохкаш латт», - дийцар министерстве.
Ахкан денош хьаэттача хьалхарча дийнахьа денз, даггара кхайкарал деш хьабоагӀа МЧС болхлой; Ӏимецача хана хьунашка, аренашка цӀерцара хатараш даржар кхерам ба, фийла хила, цӀи ялар кхерам болча хӀамаех лорале, яхаш. ХьунагӀа яьнна цӀи доккха зе да вай Ӏалама, хьунагӀа лелача дийнаташта.
