Молочанска моттигаш тоаеш, къахьегаш я вай республика

Молочанскера тӀемо йохаяь моттигаш меттаоттаеш, къахьегаш ба вай республикера болхлой. Из хоам «Сердало» газетага бир Мехкадаь, Паччахьалкхен зарбан болх лелабераша. Цигарча бахархой хьал тоаде гӀерташ, шоашта могаш дола гӀо деш ба оарцагӀбахараш.
Шахьара, цунна чуйоагӀача зӀамигача кхален юкъера хий тоадеш болх дӀабахьа лерхӀ укх шера. 110 мм йола 230 метр турбаш я чуяхка езараш. Цу гӀулакха лаьрхӀа хьакъоастадаь ахча 1,6 млн сомага кхоачаш да.
Иштта артезиански гӀув хьалъеш болх дӀахьош латт Молочанске. Карарча хана 13% кхаьчаб из болх. Проект чакхъяьккха яьлча, 295 кубометр хий цхьан дийнахьа луш хургья из моттиг. Бахархой хьал аттачахьа доаккхаш хургда из гӀулакх.