ГӀалгӀай къаман
юкъара газет

ЦӀай долча деношка нувхаш дӀаяхац, яхаш, леткъараш хиланзар вай мехка

ЦӀай долча деношка нувхаш дӀаяхац, яхаш, леткъараш хиланзар вай мехка

РФ Ӏалама ганзий, экологен министра гӀончас Тетенькин Дмитре дӀайихьача кхетаче дийцар, керда шу хьатӀаденача салоӀача деношка, коммунальни чӀоагӀа нувхаш (ТКО) дӀакхахьара балхаца дувзаденна хьал. Шоайла дӀа-юха гуча кепара дӀахьош хиннача кхетаче дакъа лоацаш вар ГӏалгӀайчен вице-премьер Зурабанаькъан Ювсап, иштта республикан Ӏалама Министерствон викалаш.

Кхетаче дӀахьош, балха тоабанна карагӀдаьнначоа мах оттабир, иштта хьежар цу тайпара нувхаш дӀакхахьарца дувзаденнача хаттарашка.

Белгалду, ГӏалгӀайче нувхаш дӀахьош цахилара леткъа езаш яцар, из хьал вайцига во латташ цахиларах, цудухьа из цу балха хьалхарчарех цаӀ хилар, салоӀача деношка лерттӀа болх барах хьахиннабар из толам.

Цул совгӀа, республико дика толамаш доах мехкарча болхлой тоабаш вӀашагӀъехкача, шоай ханнахьа нувхаш дӀахьоча, эшача контейнераш оттаеча, цудухьа из я «баьццарча даькъ тӀа».

Бакъда, контейнерашца Ӏалашо еш хиларга диллача, вай мохк ба «ӀажагӀча даькъ тӀа».

Зурабанаькъан Ювсапа белгалдир, «РЭО» ППК-ца цхьана республике кхоъ наькъа карта чӀоагӀдаь хилар, хӀанз контейнераш ГӀалгӀайче эшача боараме хургйолаш болх дӀаболабаьб.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде