Къаман проекташ кхоачашеча, юкъерча боарамал хьалха ба вай мохк
Российски оагӀонцарча юкъерча боарамал тӀехдаьнна къахьегаш да вай къам ялх проект йоаржаеча. Республика белгала я укх оагӀонашца:
«Дезал» мехкарча 45,4% духьала 46,1%, «ДӀаьха, хьинаре вахар» - 56,8%( РФ - 46%), «Вахара моттигаш тоаяр»- 45,9% ( РФ- 34,5%), «Экологи»- 81, 4% ( РФ- 37, 9%), «Тешаме экономика»- 100%, ( РФ - 68, 4%), «Саг чувоацаш гӀетташ дола гӀирсаш» - 72% ( РФ- 39,9%).
Къаман проекташ - духхьал каьхата тӀара де лерхӀараш дац, вай мехка хьал хоалуш тоадеш бола болх ба. Геттара гӀадвугаш да, ерригача Россерча юкъерча боарамал хьалхадаьнна вай долхаш хилар», - белгалдир вай мехкадас Келаматанаькъан Махьмуд-Ӏаьлас. Республикан кулгалхочо теркалдир, из болх хьинаре, дикка къахьегаш хиларах гаьнабаьннилга.
Укх шерара цу оагӀонцара болх 92%-га кхоачаш кхоачашбаьб, из да 3 млрд 864 млн сом дерригача рузкъах. Кассови болх чакхбаккхар 1 млрд 844 млн сома тӀа латт, 2025-ча шера кхоачашде лерхӀачох 44% я из.
